Pơma tơ̆ ‘măng hop akŏm, Thủ tướng lăng ‘lơ̆ng jơhngơ̆m đon bơ̆jang tơpăt, hăt hot, đei yua đơ̆ng dôm anih tơm, anih jang, tơring păng dôm nơ̆r tơgop tơ̆ ‘Măng hop akŏm, tơƀôh jơhngơ̆m đon hơdrin tôch bơneh lơ̆m tơdrong khŏm bơ̆jang hăm tang găn IUU păng khŏm pleh “kơthe dreng” đơ̆ng EC lơ̆m sơnăm 2025.

Thủ tướng athei bơngai chĕp kơ̆l dôm anih tơm, anih jang, tơring  pŭ hơnăp jang kơtă, tôm tơdrong tơ̆ hơnăp Khŭl kơdră teh đak, Thủ tướng Teh đak tơdăh lê̆ đei ƀôh dơ̆ng tơdrong duk ka pơm glăi dăh mă hiơ̆ kơ pleh “kơthe dreng” IUU. Hơnơ̆ng bơ̆jang kiơ̆ tơpăt trong jang roi tơbăt hơnơ̆ng tơlĕch  jang tang găn IUU ăn Anih pơgơ̆r jang; bơ̆jang kiơ̆ đei yua, tơpăt dôm tơdrong Tơchơ̆t, Pơtôch, Hla ar kăl, Athei đơ̆ng Đảng, đơ̆ng Khŭl kơdră teh đak, Thủ tướng teh đak, tơchơ̆t jang hơdai lơ anih jang găh tang găn IUU.