Pơma ah 'măng hop akŏm, Thủ tướng Phạm Minh Chính ră hơdah sơnong kăp gĭt kơ trong gre treng păng akhan, hơtŏk trong gre treng gô tơgop kăp gĭt ăn tơdrong pơklaih dôm anih tơhlăk gah trong nơnăm. Thủ tướng ră hơdah, Jơnŭm pơgơ̆r teh đak kơchăng asong jên jang ăn Tơdrong pơm trong gre treng Lào Cai - Hà Nội - Hải Phòng păng pơm trogn gre treng kơdou hrenh rok kiơ̆ Tu – Pơbah, vă jang mong ƀiơ̆ 5% jên mong kơ teh đak vă asong pơm 2 jăl trong gre treng ou, pơgơ̆r rim anih jang tơm, rim tơring dah kơchăng, tơtenh asong jên pơm jang.

Khei năr truh, Thủ tướng athei tơlĕch jang mă sơđơ̆ng 'lơ̆ng, trŏ kih thuơ̆t, trŏ tơchơ̆t păng pơyua. Rim anih jang pơtoi hơvơn bơngai jang păng đei tơchơ̆t jên khei jang mă trŏ ƀlep. Thủ tướng pơjao ăn Anih jang vei lăng kon pơlei rim dêh char, pơlei tơm đei tơchơ̆t pơm trong gre treng dah akŏm pơgơ̆r, tơtenh hrŭ 'mong teh iŏk pơm jang, hơmet pơ-'lơ̆ng tơdrong kih thuơ̆t, pơjing anih oei xa 'nao ăn kon pơlei tơ̆ anih teh iŏk ming man tơdrong kăl.