VOV4.Bahnar - Kơsơ̆ năr 12/9, Thủ tướng Tĕh đak Phạm Minh Chính pơm tơm Hop akŏm vei kơ jăp sơđơ̆ng jang mŭk drăm. Iung pơma tơ̆ hop akŏm, Thủ tướng tĕh đak tơƀô̆h hơdăh 11 tơdrong jang kăl păng athei ư̆h kơ gơ̆h pơhơi, băt hơdăh dôm tơdrong lơ̆m apŭng plĕnh tĕh, lơ̆m tĕh đak, atŏk kơtang hơlen hơdăh, tơdra hơdrol, iung jang kơtang lơ̆m chĕp pơgơ̆r jang mŭk drăm.

Thủ tướng iung pơma tơ̆ hop akŏm

Hơnơ̆ng iung jang ‘lơ̆ng hơ iă, iŏk đei jơnei păng iung jang hơdoi kơ jăp, hrơ̆p mĭnh ‘măng ƀar păh rim trong jang jên hu, trong jang anai vă tang găn kĕ tơdrong kơ jă tŏk jur ư̆h sơđơ̆ng, pơm sơđơ̆ng tơdrong jang mŭk drăm. Chĕp pơgơ̆r pơrô̆ jang ‘lơ̆ng, xơkơ̆t hơdăh trong tơlĕch jang, tơdrong jang trŏ lăp, sơđơ̆ng jơnei, trŏ lăp ƀar păh trong tơlĕch jang, đei iŏk yua ƀơ̆t măt păng đunh đai, kơ yuơ tơdrong atok tơ iung kơ tơdrong jang mŭk drăm.

Tơblơ̆ nơ̆r: Amazưt