VOV4.Bahnar - Thủ tướng Tĕh đak Phạm Minh Chính pơm tơm hop akŏm trư̆k tuyên hăm 8 dêh char tơring Tŏk bŏk păng Tây Nguyên vă lăng hơlen tơdrong hơmet pơ ‘lơ̆ng tơdrong hiong răm păng hơlen hơdăh trong jang tang găn kial hơbŭh kơsô̆ 4.

Iung pơma tơ̆ hop akŏm, Thủ tướng athei, tĕnh koăng hơmet pơ ‘lơ̆ng đơ̆ng rŏng kial hơbŭt, hơpuih hơmet pơ ‘lơ̆ng cham char, trong kơphô̆ vă tĕnh koăng hơmet pơ ‘lơ̆ng bơ̆ jang păng sơđơ̆ng trong nơnăm. Hơmet ming ŭnh hơyŭh, đak nhă vă kon pơlei erĭh sa sơđơ̆ng. Tơgŭm djru kon pơlei, mă kăl hăm dôm ŭnh hnam tơnap tap hơmet ming hnam hơlĭh, kial hlơk pơbŭng, hư răm; hơmet ming tĕnh koăng hnam trương, hnam pơgang ming hơmet jĭ jăn ăn kon pơlei. Hơmet pơ ‘lơ̆ng chŏh jang sa đei răm đơ̆ng kial hơbŭt pơrăm vă sơđơ̆ng phe sa ƀa sŏng,  sơđơ̆ng erĭh sa ăn kon pơlei lơ̆m khei năr kơnh.

VOV/Amazưt tơblơ̆ nơ̆r