VOV4.Bahnar - Pơgê năr 26/9, Thủ tướng Tĕh đak Phạm Minh Chính pơm tơm hop akŏm trư̆k tuyên lơ̆m tĕh đak găh atŏk kơtang tơlĕch kon jên jang tĕh đak tơmơ̆t jang păng jang kiơ̆ 3 Tơdrong jang tơm tĕh đak. (‘nŏh: Tơ iung pơjing tơring tơrang ‘nao, Atŏk tơ iung Mŭk drăm-tơpôl tơring kon kông păng groi kông, Xut sa pơngot rơvĕt tơjur dơnŭh kơ jăp ‘lơ̆ng).

Thủ tướng Tĕh đak pơm tơm hop akŏm

Thủ tướng athei, rim kơdră tang măt pơma dơnŭh tơlĕch ăn trong jang păng tơdrong jang hơdăh đơ̆ng dang ei trŭh đĭ sơnăm 2022 sơđơ̆ng pơgơ̆r jang kiơ̆ keh đang, trŏ lăp hăm yan au vă hơmet pơ ‘lơ̆ng tơdrong tơnap tap, tơhlăk tơhlĭn lơ̆m tơlĕch kon jên tĕh đak tơmơt jang păng 3 Tơdrong jang tĕh đak. Rim kơdră tang măt kăl tơbăt dĭh băl dôm trong jang hơ iă, trong vă jang lơ̆m pơgơ̆r jang kiơ̆, chĕp pơgơ̆r, hơlen pơtôch jang. Adoi atŏk hơnăp jang kơ bơngai chĕp kơ̆l vă atŏk kơtang tơlĕch kon jên jang tĕh đak tơmơt jang păng 3 Tơdrong jang tơm kơ tĕh đak.

VOV.VN

Tơblơ̆ nơ̆r: Amazưt