VOV4.Bahnar - Pơgê năr 14/2, Dơnŏ anĭh chep pơgơ̆r Trung ương hop akŏm pơtôch Tơdrong tơchơt kơsô̆ 19-NQ/TW kơ Hop akŏm ‘măng mă tơdrau Khŭl kơdră chĕp pơgơ̆r Trung ương Đảng jăl XI găh hơnơ̆ng tơplĭh ‘nao trong bơ̆ jang, khôi luơ̆t găh groi tĕh lơ̆m khei ‘năr atok kơtang tôm tong ‘măng tơplĭh ‘nao.

Ƀok Phạm Minh Chính, Kơdă jang lơ̆m Dơnŏ anĭh tơm Chĭnh trĭ, Thủ tướng Tĕh đak, Kơdră Dơnŏ anih chĕp pơgơ̆r Trung ương hop akŏm pơtôch Tơdrong tơchơ̆t kơsô̆ 19-NQ/TW pơm tơm hop akŏm. Lăp đơ̆ng rŏng mơ̆ng rim nơ̆r pơma dơnŭh, iung pơma pơtôch, Thủ tướng Phạm Minh Chính pơma hơdăh mĭnh ƀar trong jang tôch gĭt kăl ‘nŏh tơdrong tơplĭh Khôi luơ̆t Groi tĕh sơđơ̆ng grơ̆p lei lăi hăm rim khôi luơ̆t đei ƀơm trŭh; lăp hăm trong jang chĭnh trĭ kơ Việt Nam. Găh tơdrong jang trŭh au kơnh, Thủ tướng athei Khŭl kơdră Dơnŏ anĭh chĕp pơgơ̆r Khŭl chĭh hơmet păng rim hơnĭh bơ̆ jang ƀơm trŭh tĕnh koăng tơgoăt iŏk kơtang dôm nơ̆r tơgop đơ̆ng rim kơdră jang lơ̆m Dơnŏ anĭh chĕp pơgơ̆r, rim Hơnĭh jang, hơnĭh bơ̆ jang Trung ương păng tơring, rim bơngai joăt jang, bơngai khoa hŏk, hơlen, drơ̆ng mĭnh nơ̆r vă pơm pơkeh rim hla bơar tơbăt, trong pơprŏ hơdrol, pơtrŭh ăn kơdră kơpal lơ̆m khei ‘năr rôih hlŏh sơđơ̆ng ƀlep tơchơ̆t, ƀlep ‘lơ̆ng.

Tơblơ̆ nơ̆r: Amazưt