‘Măng hop akŏm đei pơgơ̆r kơtă păng trư̆k tuyên ƀar păh tơ Hơnĭh bơ̆ jang Khŭl kơdră chĕp pơgơ̆r Tĕh đak hăm 33 dêh char, pơlei tơm găh Trung ương tŏk bŏk đei rim tơdrong jang pơm trong gre kăl, tơdrong vă jang pơm trong gre gĭt kăl.

Iung pơma pơtôch hop akŏm, Thủ tướng Phạm Minh Chính pơma hơdăh, tơdrong tơlĕch jang kiơ̆ ‘lơ̆ng rim tơdrong vă jang gô tơgop lơ̆m jang kiơ̆ 3 trong hơyak pran đei tơlĕch ăn tơ̆ Pơm lêh hop akŏm mă XIII kơ Đảng, lơ̆m au đei hơyak pran găh trong gre nơnăm. Kơ yuơ lơ lŏh rim hơniưh tơm, hơnih bơ̆ jang, tơring tơrang kăl tơplĭh ‘nao jơhngơ̆m đon tơchĕng, trong jang, hơmet pơ ‘lơ̆ng, tơplĭh đon tơchĕng, pơgơ̆r iung jang kiơ̆; trong pơma dơnŭh dĭh băl păng jang kiơ̆ keh đang. Tơ̆ hop akŏm, Thủ tướng hlôi ăn tơgop nơ̆r găh rim hơnĭh jang, tơdrong vă jang tơm tĕh đak păng pơjao tơdrong jang hơdăh ăn rim hơnĭh tơm, hơnih bơ̆ jang, tơring tơrang.