Tơƀôh đon pơngơ̆t găh tơdrong ƀơm ưh ‘lơ̆ng đơ̆ng tơblăh vang hăm tơdrong sơđơ̆ng găh unh hơyuh, 2 ‘nu kơdră chĕp kơ̆l drơ̆ng nơ̆r hơtŏk tơdrong jang hơdoi vă vei sơđơ̆ng unh hơyuh. ‘Moi kiơ̆ jơhngâm đon năng kăl tơdrong pơvei hăm Việt Nam, Kơdră tơm teh đak UAE ăn tơbăt vă tơgŭm tôch ai tơdrong ‘mĕh vă đei unh hơyuh kơplăh dang ei păng ning mônh kơnh đơ̆ng Việt Nam.

Lơ̆m ‘măng pơma điên thoăi, 2 ‘nu kơdră oei pơma nuh tôch hơlen găh lơ trong jang vă hơtŏk tơdrong jang hơdoi 2 pang, mă loi lơ̆m dôm tơdrong lăp hăm tơdrong ‘mĕh vă păng tơdrong jang pran đơ̆ng 2 păh nhen tơmât jên jang lơ̆m Anih jang jên hu apŭng plenh teh tơ̆ Việt Nam, adrin atŏk tơiung dôm tơdrong tơmât jên jang tơm gĭt kăl găh kơmăy kơmŏk ‘nao, anih jang, logistics, jăh jang đei đon pơhnŏng găh tĕch mơdro 2 pang iŏk đei truh 10 ti USD lơ̆m khei ‘năr hrôih hlŏh.