Tơ̆ jơ pơma nuh, Thủ tướng Phạm Minh Chính pơma hơdăh Việt Nam ‘mĕh tơgŭm ăn tơdrong adrin đơ̆ng apŭng plenh teh, lơ̆m noh đei ASEAN, vă chă trong jang rơngei, sek tơlang tơdrong tơblăh hrĕi ‘nâu. Ƀât mă tơdrong tơblăh oei tôch krê hơmơt, Thủ tướng teh đak bơnê păng athei Khul kơdră teh đak Qatar hơnơ̆ng pơngơ̆t, vei lăng ‘lơ̆ng tơdrong sơđơ̆ng ăn kon pơlei Việt Nam tơ̆ Qatar păng pơjing tơdrong hiôk hian ăn kon pơlei Việt Nam yak vih kiơ̆ trong teh đak Qatar.

Thủ tướng Qatar pơma hơdăh vă vei lăng sơđơ̆ng ‘lơ̆ng ăn kon pơlei Việt Nam “nhen hăm bơngai Qatar”. Găh tơdrong jang hơdoi unh hơyuh đơ̆ng 2 teh đak kơplăh dang ei, Thủ tướng Qatar pơma hơdăh, Qatar oei adrin bơ̆ jang tôm tơdrong kiơ̆ nơ̆r pơkăp, hla ar chih hăm dôm teh đak jang hơdoi, khŏm jang hơdoi kơjăp vă vei lăng sơđơ̆ng ‘lơ̆ng tơdrong jang unh hơyuh tơ̆ Việt Nam.