Ƀar păh hôn bơnê dôm tơdrong iŏk đei jơnei hơ iă mă Tơdrong tơchơ̆t Mơdro sa hiôk hian Việt Nam – EU ba ăn đơ̆ng rŏng 2 sơnăm tơlĕch jang kiơ̆; drơ̆ng mĭnh nơ̆r hơnơ̆ng pơtrŭt kơtang jang hơdoi lơ̆m tơmơ̆t jên jang, mơdro sa ƀar teh đak păng atŭm dĭh băl iung tơjră tang găn rim tơdrong long nhen cham char, tang găn tơplĭh tŏ ‘mi kial, mă kăl tơ̆ tơring Tơmăn đak kroong Cử Long.

Ƀlep lơ̆m jơ ‘năr au, Thủ tướng teh đak athei Nghị viện Liên ƀang Bỉ hrôih kĭ Tơdrong Tơchơ̆t tơgŭm dŏng tơmơ̆t jên jang Việt Nam – EU vă pơjing tơdrong tơmơ̆t jên jang đei rơvơn ăn hơnĭh mơdro sa ƀar teh đak, tơgŭm djru Dơnŏ anĭh bơ̆ jang châu Âu hrôih sut sa hŭt “tơchơ̆t pơgang tang găn” hăm ka hơdang Việt Nam. Thủ tướng Teh đak Phạm Minh Chính athei Kơdră chĕp pơgơ̆r Thượng viện Bỉ hơnơ̆ng pơjing rơvơn ăn kon pơlei Việt Nam tŏk bŏk erĭh sa, hok pơhrăm păng bơ̆ jang tơ̆ Bỉ, iung jang ‘lơ̆ng hơnăp jang pơm gơng tơrŏh kloh klĕch ăn ƀar teh đak.