Thủ tướng Teh đak sơkơ̆t hơdăh, Việt Nam ling lang lăng kơjăp păng ‘mĕh vă atŏk kơtang tơgoăt tơgoăl Jang tôm tong hăm Hà Lan lơ̆m rim tơdrong; tơgoăt tơgoăl tŏk bŏk atŏk tơ iung ‘lơ̆ng hơ iă găh chĭnh trĭ, tơbôl, mŭk drăm mơdro sa, vei lăng sơđơ̆ng teh đak; ‘mĕh vă atŏk kơtang Jang hơdoi gĭt kăl găh tơplĭh tŏ ‘mi kial păng choh jang sa kơ jăp ‘lơ̆ng; hôn bơnê kơtang tơdrong lăng ba, tơgŭm djru đơ̆ng Nghị viện Hà Lan lơ̆m pơtrut kơtang tơgoăt tơgoăl jang hơdoi lơ tơdrong hăm Việt Nam.

Thủ tướng Teh đak Phạm Minh Chính athei Nghị viện Hà Lan hrôih kĭ Tơdrong tơchơ̆t Tơgŭm dŏng tơmơ̆t jên jang Việt Nam – EU, tơgop pơjing rơvơn ăn hơnĭh mơdro sa Hà Lan mơdro sa, tơmơ̆t jên jang tơ̆ Việt Nam.