Tơ̆ jơ pơma dơnuh, Thủ tướng Teh đak kŭm hmach chơt hơiă tơdrong jơnei đơ̆ng ‘măng hop akŏm Jơnŭm xăh/phường jăl V kơ Campuchia khei 6 âu ki; lui ngeh ‘noh jĭ tơdrong hơiă gĭt kăl vă Camphuchia iŏk jơnei tơ̆ ‘măng hop akŏm Kuôk hô̆i sơnăm 2023 păng hơnơ̆ng iŏk đei dôm jơnei tih tên hloh dơ̆ng lơ̆m tơdrong jang pơjing teh đak Campuchia rơngei, hiôk hian, kon pơlei pơm tơm, hơnŭk hơ noa.

Thủ tướng athei hơtŏk hơnăp jang đơ̆ng anih chih pơjing khôi luơ̆t 2 teh đak lơ̆m tơdrong pơtrŭt tơdrong pơvei 2 pang

Thủ tướng Phạm Minh Chính păng Kơdră Thượng viện Camphuchia drơ̆ng nơ̆r hơnơ̆ng jang hơdai tơlĕch jang đei yua dôm tơdrong drơ̆ng nơ̆r păng trong jang hơdai dang ei đei hơdai găh vei lăng teh đak kiơ̆ lơ̆m jơnei tôch kơ tih tên păng gĭt kăl hlôi iŏk đei; hơnơ̆ng hơdrin pơ trŭt hơmet pơ ‘lơ̆ng dang 16% tam mă jang đang klaih song hơdral hơtâp jrăng sơ lam uơ oei dơ̆ng vă pơjing trong sơlam rơ ngei, jang tơbôl, jang hơdai păng hơtŏk tơiung đunh đai đơ̆ng 2 teh đak.