Tơ̆ jơ tơƀơ̆p, lơ̆m tơdrong ‘mêm băl, lui ngeh, tơ pă păng rơ hâu, 2 Thủ tướng pơma hơdăh 2 păh gô hơnơ̆ng pơm hơdăh ‘lơ̆ng păng hơ nhăk “ Nơ̆r pơma hơdăh atŭm Việt Nam - Trung Quốc găh hơnơ̆ng tŭn pran păng ‘lơ̆ng hloh dơ̆ng tơdrong pơvei jang hơdai tôm tơdrong Việt Nam - Trung Quốc” iŏk đei lơ̆m ‘măng năm ngôi, bơ̆ jang tơ̆ Trung Quốc âu ki đơ̆ng Tổng Bí thư Nguyễn Phú Trọng jing dôm jơnei hơdăh ‘lơ̆ng, drơ̆ng 1 nơ̆r hơtŏk loi dơ̆ng tơƀơ̆p pơma dơnuh kơdră kơpal păng rim kơdră, hơtŏk loi dơ̆ng jang hơdai đei yua, ‘lơ̆ng, vang đei iŏk yua lơ̆m rim tơdrong jang, hơnhăk ăn đei yua ‘lơ̆ng ăn kon pơlei 2 teh đak.

Thủ tướng Phạm Minh Chính athei tŭn pran mơdro sa hơtŏk tơiung hơ tŏ băl, mă loi ‘noh pơvei tơdrong mơdro sa hiôk tơ̆ dôm ‘măng jang sơlam, pơm tơdrong ‘lơ̆ng ăn tơmam choh jang sa Việt Nam tĕch tơ̆ Trung Quốc, mă loi ‘noh jĭ lơ̆m năr Tết Nguyên đán tŏk bŏk vă jê̆ truh vă kon pơlei 2 păh sa Tết phĭ tơ nŏ, hiôk hian.