Ƀar ‘nu kơdră chĕp kơ̆l pơma hơdăh Việt Nam păng Nam Phi jĭ boăl juăt ‘lơ̆ng đơ̆ng sơ̆, đei lơ tơdrong tơgŭm băl jang tŏk, mă loi ‘nŏh găh dôm tơdrong jang rơgŏh ‘lơ̆ng, tơplih hăm kơmăy sô̆, unh hơyuh rơgoh păng jang kơmăy rơgei. Thủ tướng Phạm Minh Chính pơma hơdăh, Việt Nam ‘mĕh tơgop ‘lơ̆ng ƀiơ̆ ăn tơdrong jang hơdoi Nam - Nam, kŭm hăm Nam Phi hơtŏk dôm tơdrong tơgŭm atŭm nhen tơjur tơnuh hin, vei lăng sơđơ̆ng phe ƀa tơmam xa, atŏk tơiung pran kơjăp.

Kơdră tơm teh đak Nam Phi hơpơi ‘mĕh hơtŏk tơdrong jang hơdoi ăn anih tĕch mơdro đơ̆ng 2 teh đak găh sir iŏk tơmam lơ̆m teh, pơm tơlĕch kơmăy, choh jang xa păng pơm ô tô điên. 2 păh drơ̆ng nơ̆r jăh hơmet kĕh rim hla ar vă pơm hơtŏk tơdrong pơvei jing “Jang hơdoi gĭt kăl” lơ̆m sơnăm 2025, năm truh tơdrong pơvei ‘lơ̆ng hơiă đơ̆ng dôm teh đak oei vă tŏk pơdrŏng.