Khul Việt Nam yoa Thủ tướng Phạm Minh Chính chĕp kơ̆l vang truh akŏm, đei lơ tơdrong tơgop ‘lơ̆ng lơ̆m vă jê̆ 20 tơdrong jang lơ pang tơ̆ Hop akŏm, roi tơbăt lơ trong jang gĭt kăl tơ̆ hơnăp kơnh đơ̆ng ASEAN. Tơdrong pơvei păng jang hơdoi đei yoa ‘lơ̆ng đơ̆ng Việt Nam hăm dôm teh đak kŭm đei tưk tơiung kiơ̆ đơ̆ng hlŏh 20 ‘măng tơƀâp 2 pang. 

Dôm tơdrong tơgop, nơ̆r athei, nơ̆r apinh đơ̆ng Việt Nam akŏm găh pơjing Tơpôl ASEAN mât 1 ƀơ̆r đon, jang tŏk kơdih, tôm tơdrong păng pran kơjăp, iŏk kon pơlei pơm tơm, tơmât tơdrong jang tŏk teh đak hăm jang tŏk tơring. Kiơ̆ đơ̆ng noh, Việt Nam hơnơ̆ng tơƀôh hơdăh hơnăp jang tơnăp, tôch kơchăng, vang tơgop ‘lơ̆ng ăn tơdrong hơmet kơjăp tơdrong tơguăt 1 ƀơ̆r đon, pơm hơtŏk hơnăp jang tơm đơ̆ng ASEAN, yoa tơdrong rơngei, hiôk sơđơ̆ng, jang hơdoi păng jang tŏk tơ̆ tơring.