VOV4.Bahnar - Kơ sơ̆ 2/8, Thủ tướng Phạm Minh Chính sơng bơ ngai tang măt ăn tĕh đak Anh Gareth Ward truh tơ klăh ti ƀlep ƀât pơ tôch jăl jang tơ̆ Việt Nam. Tơ̆ jơ tơ ƀâp, Thủ tướng Phạm Minh Chính tơ chĕng ‘lơ̆ng dôm tơ drong tơ gop đơ̆ng bơ ngai tang măt lơ̆m jăl jang âu ki, vang hơ nhăk tơ drong pơ vei, jang hơ doi gĭt kăl Việt Nam-Anh tŏk roi đunh roi ‘lơ̆ng, đei yoa lơ̆m rim tơ drong păng dôm kênh jang tơ bôl, hơ tŏk tơ drong pơ vei ăn kon pơ lei.

Tơ̆ jơ tơ ƀâp, 2 păh pơ ma nuh găh tơ drong lơ̆m apŭng plenh tĕh păng tơ̆ tơ ring mă 2 păh tơ rĕk truh. Bơ ngai tang măt ăn Anh tơ ƀôh đon tơ gŭm ăn trong jang đơ̆ng ASEAN păng Việt Nam găh vei lăng sơ đơ̆ng ‘lơ̆ng trong gre păr, trong đak dơ sĭ păng sek tơ lang dôm tơ drong tơ gar băl tơ̆ đak dơ sĭ Biển Đông hăm dôm trong jang rơ ngei kiơ̆ luơ̆t apŭng plenh tĕh, mă loi jĭ khôi luơ̆t tơm Liên Hợp Quốc păng Tơ drong tơ chơ̆t đơ̆ng Liên Hợp Quốc găh Luơ̆t đak dơ sĭ sơ năm 1982.

Dơ̆ng: Tơ blơ̆