Tơ̆ jơ sơng, Thủ tướng Phạm Minh Chính tang măt kơdră chĕp kơ̆l Đảng, teh đak gơ̆ih nơ̆r hmach chơt hơiă truh Khŭl lui Phât Việt Nam hlôi pơgơ̆r keh đang Hop akŏm bơngai tang măt lui Phât lơ̆m teh đak ‘măng mă IX, jăl jang 2022 - 2027. Thủ tướng pơma hơdăh, Lui Phât đei tơgop lơ gĭt kăl lơ̆m tơdrong jang “vei lăng teh đak, sơđơ̆ng ăn kon pơlei”; lơ bơngai gĭt kăl, nuih mơng hơdrĕch hơdrŭng mă hơnăn, tơdrong jang tơ klep hăm lui Phât.

Lơ̆m dôm sơnăm âu ki, trong jang kăl “ Lui trŏ ƀlep - hơdrĕch hơdrŭng - Chủ nghĩa xã hội”, pơ tăl tơdrong hơiă đơ̆ng lui Phât Việt Nam, Khŭl lui Phât Việt Nam hlôi yak hloh rim tơdrong mơmat tat, ưh kơ pơdơh hơtŏk tơiung, tih pran găh rim tơdrong. Lui Phât hlôi ling lang năm hơdrol lơ̆m dôm tơdrong jang pơjei băl ‘mêm kơ teh đak, tơgoăt 1 jơhngơ̆m đon dôm tơdrong lui, pơma hơdăh tơdrong pơvei hơdai đơ̆ng lui phât păng hơdrĕch hơdrŭng, đĭ jơhngơ̆m hơdrin yua kơ tơdrong arih sa ‘lơ̆ng hơiă, phĭ tơnŏ, hiôk hian kơ kon pơlei.