VOV4.Bahnar - Kơ sơ̆ ‘năr 26/5, tơ̆ Anih jang kơ Khŭl kơ dră teh đak, Thủ tướng Phạm Minh Chính hlôi sơng Giáo sư Stewart Cole (Sờ-ti-oát Côn-lờ), Kơ dră Anih jang Pasteur Paris tŏk bŏk đei ‘măng năm tơ mang, bơ̆ jang tơ̆ Việt Nam. Tơ̆ jơ sơng, Thủ tướng pơ ma hơ dăh jang pơ gang ‘noh jĭ tơ drong jang hơ dai joăt joe ‘lơ̆ng hơ iă, 1 lơ̆m dôm tơ drong hơ dăh tơ gop pơm pơ trŭt hloh dơ̆ng tơ drong pơ vei jang hơ dai tơ drong jang Việt Nam păng Phalăngroi ‘năr roi hơ tŏk tơ iung.

Jơ sơng pơ ma dơ nuh

Thủ tướng pơ ma hơ dăh, tơ drong pơ vei jang hơ dai gĭt kăl đơ̆ng Anih jang Pasteur Phalăng hăm dôm Anih jang Pasteur tơ̆ Việt Nam đei lăng ‘noh tơ ƀôh păng kŭm jing tơ drong hơ iă lơ̆m jang hơ dai pơ gang đơ̆ng 2 teh đak. Thủ tướng bơ nê kơ Anih jang Pasteur hlôi ‘măn dôm tơ drong tơ gŭm kăp gĭt ăn dôm Anih jang Pasteur kơ Việt Nam lơ̆m prăt khei ‘năr âu ki, mă kăl hloh ‘noh jĭ jên tơ gŭm vă hơ tŏk ‘lơ̆ng tơ drong jang tơ chĕng hơ len, dăr hơ len păng hơ len lăng SARS-Cov-2 hăm kơ sô̆ jên tơ mơ̆t jang hloh 10 ti hlak jên.

Thuem: Tơ blơ̆