VOV4.Bahnar - Ƀlep ƀât truh hop akŏm tih, gĭt kăl ASEAN - Mi, năm hơ pong păng bơ̆ jang tơ̆ Mi păng Liên Hợp Quốc, ‘năr 12/5, Thủ tướng Phạm Minh Chính sơng ƀok Scott A. Nathan – Kơ dră chĕp kơ̆l Anih vei lăng jên hu jang atŏk tơ iung tĕh đak Mi (DFC).

Jơ sơng pơ ma nuh

Thủ tướng athei, DFC hơ nơ̆ng tơ gŭm ăn Việt Nam găh dôm tơ drong nhen unh hơ yuh rơ gŏh, tơ jră hăm tŏ ‘mi kial tơ plih, tơ plih kơ sô̆; hơ met pơ ‘lơ̆ng hiong răm đơ̆ng tơ blăh sơ̆. Thủ tướng oei athei hơ tŏk tơ drong jang hơ doi kơ jăp ‘lơ̆ng găh đak krong Mekong ƀât mă đak dơ sĭ roi tŏk, pơm hơ tŏk tơ drong arih xa găh tơ mam drăm păng jơ hngâm đon ăn kon pơ lei tơ̆ tơ ring.

Tơ chĕng ‘lơ̆ng tơ drong pran vă jang hơ doi găh mŭk drăm hăm Việt Nam, ƀok Scott A.Nathan ăn tơ băt lơ tơ drong jang hơ doi đơ̆ng 2 păh hlôi đei tơ lĕch jang đei yoa ‘lơ̆ng. Tơ̆ hơ năp kơnh, DFC hơ pơi ‘mĕh hơ tŏk hlŏh dơ̆ng tơ drong jang hơ doi găh tơ jră tŏ ‘mi kial tơ plih, unh hơ yuh rơ gŏh, atŏk tơ iung tơ ring đak krong Mekong.

Dơ̆ng: Tơ blơ̆