VOV4.Bahnar - Kơ sơ̆ 20/1, Thủ tướng Phạm Minh Chính sơng ƀok Choi Joo Ho, Kơ dră chĕp kơ̆l Grŭp jang Samsung Việt Nam. Tơ̆ jơ pơ ma nuh, Thủ tướng Phạm Minh Chính pơ ma hơ dăh tơ drong pơ vei jang hơ doi gĭt kăl đơ̆ng Việt Nam - Hàn Quốc oei tŏk pran ‘lơ̆ng, mă dôm tơ drong jang hơ doi, tơ mât jên jang đơ̆ng Samsung jĭ mĭnh tơ drong tơ ƀôh tôch rơ đăh.

Thủ tướng tơ chĕng ‘lơ̆ng tơ drong jang xa tôch đei yoa đơ̆ng Grŭp jang tơ̆ Việt Nam ƀât mă đei lơ tơ drong mơ mat tat ‘nao âu yoa đơ̆ng jĭ hơ buh, mă loi akŏm đĭ đăng iŏk yoa lơ̆m sơ năm 2021 đơ̆ng dôm tơ drong jang xa, tĕch mơ dro păng tĕch tơ̆ tĕh đak đe tŏk dang 14% pơ têng hăm khei âu sơ năm 2020, iŏk đei hlŏh 74 ti USD. Thủ tướng oei tơ chĕng ‘lơ̆ng tơ drong Samsung năng Việt Nam jĭ anih tơ guăt plei tĕh hăm trong trong tơ mât jên jang gĭt kăl, ‘lơ̆ng hơ iă păng đunh đai.

Dơ̆ng: Tơ blơ̆