VOV4.Bahnar - Pơ gê 15/5, kiơ̆ jơ tơ̆ tơ ring, tơ̆ plt New York, Mi, Thủ tướng Phạm Minh Chính sơng ƀok Charles Kaye, Kơ dră chĕp kơ̆l Grŭp jang Warburg Pincus – jĭ 1 lơ̆m dôm anih mong jên tơ mât jang kơ dih đơ̆ng sơ̆ păng tih hlŏh lơ̆m plei tĕh. Tơ̆ jơ sơng, Kơ dră chĕp kơ̆l Grŭp jang pơ ma hơ dăh, năng atŭm, anih tĕch mơ dro păng jang mŭk drăm lơ̆m tĕh đak roi sơ đơ̆ng tơ̆ Việt Nam tôch hiôk hian ăn dôm bơ ngai tơ mât jên jang đơ̆ng tĕh đak đe.

Thủ tướng Phạm Minh Chính sơng Kơ dră chĕp kơ̆l Grŭp tơ mât jên jang tih

Thủ tướng tĕh đak athei Grŭp jang tơ chĕng hơ len, hơ nơ̆ng pơih xă tơ drong tơ mât jên jang tơ̆ Việt Nam păng hăm trong tơ mât jang jơ̆p plei tĕh gô jing trong tơ guăt hơ nhăk bơ ngai tơ mât jên jang đơ̆ng Mi pơ ma hơ drô̆ păng bơ ngai tơ mât jên jang đơ̆ng tĕh đak đe pơ ma atŭm truh jang xa tơ̆ Việt Nam. Thủ tướng athei 2 păh iŏk yoa ‘lơ̆ng dôm tơ drong kăl đơ̆ng jang hơ doi lơ̆m lơ sơ năm âu ki, tơ lĕch dôm tơ drong jang hơ doi kiơ̆ trong tơ jur ƀiơ̆ trong pơm hla ar, rơih đei dôm tơ drong jang kăl, bơ̆ jang đei yoa ‘lơ̆ng, păr ang xă ƀiơ̆.

Dơ̆ng: Tơ blơ̆