VOV4.Bahnar - Kơ sơ̆ 05/4, tơ̆ Anih jang kơ Khul kơ dră tĕh đak, Thủ tướng Phạm Minh Chính sơng Kơ dră tơm jang tơ bôl tĕh đak Panama Érika Mouynes truh tơ ƀâp ƀlep ƀât ‘măng năm hơ pong tơ̆ Việt Nam đơ̆ng ‘năr 04-06/4. Găh tơ drong pơ vei 2 tĕh đak, Thủ tướng tĕh đak hơ pơi ‘mĕh 2 tĕh đak hơ nơ̆ng jang hơ doi kơ jăp, đei yoa vă Panama jing gơng tơ ƀưh tơ gop hơ nhăk tơ mam Việt Nam mât tơ̆ anih tĕch mơ dro lơ̆m tơ ring Mi Latinh, păng hơ lơ̆k dơ̆ng, Việt Nam jĭ ‘măng mât lĕch vă tơ mam Panama găh mât lơ̆m anih tĕch mơ dro Đông Nam Á.

Vă tơ drong pơ vei 2 tĕh đak roi đunh roi đei yoa hlŏh dơ̆ng, Thủ tướng Phạm Minh Chính athei Anih tơm jang tơ bôl păng dôm Anih tơm, anih jang kơ pal hơ tŏk tơ drong pơ gơ̆r tơ ƀâp, pơ ma nuh ăn dôm khul jang tơ̆ ‘ngoăih dôm hop akŏm lơ̆m apŭng plenh tĕh, tơ iung păng pơm hơ tŏk tơ drong đei yoa đơ̆ng Tơ drong pơ ma chinh trĭ ăn Phŏ kơ dră tơm jang tơ bôl păng Anih jang hơ doi găh mŭk drăm, tĕch mơ dro păng tơ mât jên jang Việt Nam- Panama; hơ tŏk tơ drong jang hơ doi găh rim tơ drong pran ‘lơ̆ng đơ̆ng 2 păh nhen tĕch mơ dro, chơ chuĕn kiơ̆ trong đak dơ sĭ.

Dơ̆ng: Tơ blơ̆