VOV4.Bahnar - Pơ gê ‘năr 17/3, Thủ tướng Phạm Minh Chính sơng Kơ dră tơm jang tơ bôl tĕh đak Saudi Arabia, Faisal Bin Farhan Al Saud truh tơ ƀâp. Pơ ma lơ̆m jơ sơng, Thủ tướng athei 2 tĕh đak hơ tŏk tơ drong pơ gơ̆r ăn khul grŭp kuan tih 2 tĕh đak tơ ƀâp, pơ ma nuh hăm băl; hơ tŏk tơ drong jang hơ doi đơ̆ng 2 Anih tơm jang tơ bôl păng kon pơ lei, pơ gơ̆r tơ drong joh hơ ri hơ xoang kơ 2 tĕh đak.

Jơ tơ ƀâp pơ ma nuh

Thủ tướng athei găh Saudi Arabia jăh hŭt pơ đĭ dôm tơ drong phak kâm răt iŏk ka hơ dang đơ̆ng Việt Nam, hơ tŏk tơ drong răt iŏk tơ mam đơ̆ng choh jang xa kơ Việt Nam, pơih xă anih tĕch mơ dro ăn dôm tơ mam đơ̆ng băl, roi tơ ƀôh, tơ gŭm ăn Việt Nam truh tĕch tơ mam, bơ̆ jang pơ vih pơ văn kiơ̆ tơ drong hơ găt đơ̆ng lui Hồi giáo Halal, pơ jing tơ drong hiôk hian ăn anih tĕch mơ dro Việt Nam lơ̆m tơ drong jang găh đak dâu tơ̆ Saudi Arabia păng đei tơ drong ‘lơ̆ng vă chă pơ ma nuh hăm dôm anih jang hơ doi đơ̆ng Saudi Arabia lơ̆m tơ drong hơ met pơ ‘lơ̆ng đak ƀăt ƀŏh, jang găh unh hơ yuh păng kơ măy kơ mŏk…

Dơ̆ng: Tơ blơ̆