VOV4.Bahnar - Thủ tướng Phạm Minh Chính sơng Kơ dră tơm jang Tư phap Lào Phayvy Siboualypha, chĕp kơ̆l Khul tang măt ăn Anih tơm jang Tư phap Lào năm hơ pong, bơ̆ jang tơ̆ Việt Nam. Thủ tướng tĕh đak tơ chĕng ‘lơ̆ng tơ drong iŏk đei lơ̆m jơ pơ ma đam đơ̆ng 2 ‘nu Kơ dră jang Tư phap Việt Nam păng Lào; lui Anih tơm jang Tư phap kơ 2 tĕh đak gô pơ gơ̆r đang ‘lơ̆ng lêh tơ băt 40 sơ năm pơ vei jang hơ doi găh luơ̆t, tư phap păng Hop akŏm tư phap dôm dêh char đei trong sơ lam atŭm hăm Việt Nam-Lào pơih xă ‘măng mă V, tơ gop lơ̆m tơ drong jơ nei đơ̆ng sơ năm Tơ guăt 1 ƀơ̆r đon tơ bôl Việt Nam-Lào, Lào-Việt Nam-2022.

Tơ̆ hơ năp kơnh, Thủ tướng athei 2 tĕh đak mât 1 ƀơ̆r đon, drơ̆ng pôm nơ̆r vă yak hlŏh mơ mat tat, pơ long nol, adrin jang hơ doi mă kơ jăp, tưk tơ iung tơ drong pơ vei “’lơ̆ng hơ iă kăp gĭt hlŏh”; Thủ tướng pơ ma hơ dăh, tơ gŭm ăn tơ drong pơ vei jang hơ doi đơ̆ng 2 Anih tơm jang Tư phap, Việt Nam gô vă hơ nơ̆ng tơ gŭm ăn Lào lơ̆m tơ drong jang luơ̆t păng tư phap, tơ roi ăn băl dôm tơ drong kăl vă hơ met pơ ‘lơ̆ng trong chĕp kơ̆l pơ gơ̆r, pơ jing tĕh đak chĕp kơ̆l pơ gơ̆r kiơ̆ luơ̆t xã hội chủ nghĩa; athei 2 ‘nu ƀok Kơ dră tơ chĕng hơ len trong bơ̆ jang mă rơ đăh, lăp ‘lơ̆ng, đei yoa hlŏh dơ̆ng. 

Dơ̆ng: Tơ blơ̆