VOV4.Bahnar - Tơ̆ Anih jang kơ Khul kơ dră tĕh đak, Thủ tướng Phạm Minh Chính sơng Kơ dră tơm Singapore Halimah Yacob oei hơ pong ngôi tơ̆ tĕh đak Việt Nam bơ̆n. Kơ dră tơm Halimah Yacob pơ ma hơ dăh, Singapore năng kăl tơ drong atŏk tơ iung tơ drong pơ vei jang hơ doi gĭt kăl hăm Việt Nam.

Thủ tướng Phạm Minh Chính sơng Kơ dră tơm tĕh đak Singapore

Găh tơ drong pơ vei kơ 2 tĕh đak, Thủ tướng athei 2 păh jang hơ doi, tơ lĕch jang ‘lơ̆ng dôm hla ar ‘nao đei kĭ pơ kăp lơ̆m ‘măng năm hơ pong, tơ gop bơ̆ jang ‘lơ̆ng dôm tơ drong jang hơ doi đơ̆ng 2 păh găh unh hơ yuh rơ gŏh, vei sơ đơ̆ng mang, cham char, pơ tho pơ hrăm, atŏk tơ iung khul bơ ngai jang; atŭm hăm ‘nŏh athei 2 tĕh đak khŏm pơ jing “Tơ drong pơ vei jang hơ doi mŭk drăm kơ sô̆ - mŭk drăm rơ gŏh Việt Nam - Singapore”.

Găh dôm tơ drong tơ̆ tơ ring păng lơ̆m apŭng plenh tĕh, 2 ‘nu kơ dră drơ̆ng nơ̆r hơ nơ̆ng jang hơ doi kơ jăp vei lăng tơ drong mĭnh jơ hngâm, hơ năp jang tơm đơ̆ng ASEAN; vei kơ jăp trong jang atŭm đơ̆ng ASEAN lơ̆m tơ drong tơ̆ đak dơ sĭ Biển Đông. 2 ‘nu kơ dră chĕp kơ̆l drơ̆ng nơ̆r hơ tŏk hlŏh dơ̆ng dôm tơ drong pran ‘lơ̆ng lơ̆m tơ drong jang hơ doi mŭk drăm, tĕch mơ dro kơ ASEAN, đơ̆ng nŏh tưk tơ iung tơ drong jang hơ doi lơ̆m dôm tơ drong nai dơ̆ng.

VOV/Dơ̆ng tơ blơ̆