Thủ tướng bơnê kơ tơdrong mă Anih jang Dunamu tŏk bŏk oei hơlen asong jang păng hơtŏk tơ̆ Việt Nam, mă kăl lơ̆m tơdrong jang mŭk drăm kơmăi kơsô̆, mŭk drăm pơkăp mã kơsô̆; atŭm hăm noh bơnê kơ tơdrong tơgop đơ̆ng Anih jang Hana lơ̆m hơtŏk mŭk drăm Việt Nam hăm sơnong jang hơdoi kăp gĭt kơ MB. Pơtrŭt rim anih jang pơih să asong jang tơ̆ Việt Nam, Thủ tướng ăn tơbăt MB jĭ anih mong jên tơnăp kơ Việt Nam păng pơgơ̆r MB atŭm hăm 2 anih jang dah jang hơdoi kơjăp, pơyua, tơgop hơtŏk tơdrong jang Tơbôl tôm tơdrong Việt Nam – Hàn Quốc.

Thủ tướng pơjao ăn Anih tơm Jên hu hăm sơnong jang tơm chih akŏm Tơchơ̆t jang hơdrol gah tơring tơdrong jang mŭk drăm pơkăp mã kơsô̆ tơ̆ Việt Nam, pơtoi jang hơdoi hăm Anih mong jên teh đak Việt Nam păng rim anih jang, rim tơring đei tơrĕk, tơgŭm ăn rim anih jang tơm lơ̆m tơdrong chă hơlen băt asong pơm jang tơ̆ Việt Nam.