VOV4.Bahnar - Kơsơ̆ năr 15/8, Thủ tướng Phạm Minh Chính sơng pơma dơnŭh hăm Kơ iĕng Thủ tướng, Kơdră jang tơbôl Qatar Sheikh Mohammed bin Abdulrahman Al-Thani trŭh kŭh ka hla bat. Thủ tướng Tĕh đak hôn bơnê kơtang dôm hơyak atŏk tơ iung ‘lơ̆ng hơ iă lơ̆m jang hơdoi lơ tơdrong ƀar păh Việt Nam hăm Qatar; ƀar tĕh đak hơnơ̆ng ăn khŭl kơdră năm ngôi dĭh băl, hơdrin tơgum djru dĭh băl tơ̆ rim ‘măng hop akŏm lơ pang.

Thủ tướng Phạm Minh Chính sơng pơma dơnŭh hăm Kơ iĕng Thủ tướng, Kơdră jang tơbôl Qatar

Thủ tướng athei ƀar tĕh đak atŏk kơtang ăn khŭl kơdră rim hơnĭh tơm năm ngôi dĭh băl păng kon pơlei năm ngôi dĭh băl, pơgơ̆r jŏh ayŏ ƀar păh tĕh đak; pơjing rơvơn ăn rim tơmam drăm tĕch mơdro kơ ƀar tĕh đak chă tĕch mơdro dĭh băl; athei Qatar tơgŭm atŏk tơ iung Hơnĭh jang vei lăng chŏh jang sa Hala tơ̆ Việt Nam vă tơmam drăm Việt Nam trŏ lăp hăm tơdrong pơkăp ‘lơ̆ng kơ rim hơnĭh tĕch mơdro ăn tĕh đak Hồi giăo.

Tơblơ̆ nơ̆r: Amazưt