Thủ tướng Phạm Minh Chính hôn bơnê Kơ iĕng Thủ tướng, Yŏng Khŭl lĭnh Australia năm tơmang Việt Nam.

Bơngai chĕp kơ̆l Khŭl kơdră tĕh đak Việt Nam hôn bơnê tơdrong iŏk đei jơnei lơ̆m jang hơdoi vei lăng sơđơ̆ng tĕh đak kơ ƀar tĕh đak lơ̆m khei năr au ki, jing trong ‘lơ̆ng ăn tơgoăt tơgoăl jang hơdoi ƀar tĕh đak, mă kăl lơ̆m pơtho pơhrăm, vei lăng rơngei hiôk hian Liên hợp quốc, ƀok thây pơgang khŭl lĭnh, mă kăl ‘nŏh Hop akŏm Yŏng lĭnh rim tĕh đak ASEAN pơ̆ih să (ADMM+). Thủ tướng Phạm Minh Chính athei ƀar păh hơnơ̆ng tơlĕch jang rim tơdrong jang hơdoi hrei au đei, tơlĕch jang hơdrol tơdrong jang hơdoi vei lăng rơngei hiôk hian Liên hợp quốc; athei Australia lăng ba kơ jăp hlŏh dơ̆ng tơgŭm djru ba Hnam pơgang pơgia mă 2 kơ Việt Nam năm tơ̆ Nam Sudan lơ̆m sơnăm 2023, adoi nhen dôm sơnăm đơ̆ng rŏng, đơ̆ng nŏh, tơƀô̆h hơdăh hơnăp jang kơ pơđĭ ƀar păh hăm rim tơdrong jang atŭm kơ apŭng plĕnh tĕh.