Tơ̆ jơ sơng pơma dơnuh, Thủ tướng Phạm Minh Chính tơbăt, tơgoăt tơgoăl Jang sa hơdoi tôm tong Việt Nam - Nhật Bản tŏk bok lơ̆m jăl trong atŏk tơ iung ‘lơ̆ng, tôm tong hăm tơdrong lui kiơ̆ dĭh băl kơtang găh chĭnh trĭ.

Nhật Bản hơnơ̆ng jing tĕh đak jang hơdoi mŭk drăm tơm kơ Việt Nam, jing teh đak tơgŭm djru ODA tĭh hlŏh, teh đak tơmơ̆t jên jang păng tĕh đak jang hơdoi tơmang pơhiơ̆ dơ̆ng mă pêng, teh đak jang hơdoi mơdro sa dơ̆ng mă puăn kơ Việt Nam. Jang hơdoi tơring kơ ƀar teh đak roi năr roi kơtang, ‘nŏh jing tơdrong tơlĕch jang hơdăh păng jơnei rim tơdrong drơ̆ng mĭnh nơ̆r kơ Khŭl kơdră chĕp pơgơ̆r ƀar teh đak, tơgop pơtrŭt kơtang tơgoăt tơgoăl Việt Nam-Nhật Bản atŏk tơ iung tơpă. Sơnăm 2023 ‘nŏh sơnăm tơbăt 50 sơnăm pơjing tơbôl Việt Nam - Nhật Bản, Thủ tướng Phạm Minh Chính lui hăm tơdrong hơdrin, jơhngơ̆m đon tơgoăt tơgoăl dĭh băl ‘lơ̆ng hơ iă, jang hơdoi ƀar păh dêh char Tochighi hăm rim dêh char Việt Nam gô jing hơnĭh hơdăh ang rang ‘lơ̆ng ‘nao păng jing tơdrong tơm ăn tơgoăt tơgoăl Jang hơdoi tôm tong Việt Nam - Nhật Bản.