Tơ̆ jơ sơng, Thủ tướng Phạm Minh Chính hôn bơnê kơtang Kơdră chĕp pơgơ̆r păng SIA hlôi đei lơ tơdrong jang, trong tơchăr tơgum Việt Nam atŏk tơ iung tơdrong jang kmăi kmŏk bán dẫn, tơgoăt lơ hơnih mơdro sa kơ SIA năm tơchă rơvơn mơdro sa, jang hơdoi tơ̆ Việt Nam. Thủ tướng athei SIA hơnơ̆ng krao hơvơn rim grŭp jang Hoa Kỳ jang hơdoi, tơmơ̆t jên jang kơtang hloh dơ̆ng, jơnei hloh dơ̆ng hăm Việt Nam lơ̆m tơdrong jang bán dẫn, kmăi kmŏk gơ̆h hơgei hloh, điện toán đám mây… ‘nou jing dôm tơdrong jang tôch gĭt kăl hăm hơnô̆ hơnăp kơnh kơ kon bơngai adoi nhen tơdrong atŏk tơ iung kơ rim teh đak. Atŭm hăm noh, Thủ tướng athei Kơdră chĕp pơgơ̆r, rim Hơnih mơdro sa SIA đei nơ̆r chă pơma apĭnh hăm khul kơdră Hoa Kỳ hơnơ̆ng pơtrŭt kơtang tơgoăt tơgoăl hăm Việt Nam roi năr roi kơtang, tơpă, jơnei, hrôih drơ̆ng Việt Nam jing teh đak jang mŭk drăm mơdro sa păng hŭt hloi dôm tơdrong găn ga đei ƀơm truh tĕch mơdro kmăi kmŏk hơgei hăm Việt Nam.