VOV4.Bahnar - Kơsơ̆ năr  7/10, Thủ tướng Tĕh đak Phạm Minh Chính sơng pơma dơnŭh hăm ƀok Park Noh Wan, Kơdră tang măt Hàn Quốc tơ̆ Việt Nam trŭh kŭh ka hlabat tơklăh ti ƀlep lơ̆m jơ ‘năr pơôch bơ̆ jang tơ̆ Việt Nam.

Thủ tướng Phạm Minh Chính sơng pơma dơnŭh hăm Kơdră tang măt Hàn Quốc trŭh kuh ka hla bat tơhlăh ti

Thủ tướng hôn bơnê tơdrong Kơdră tang măt hlôi tơgop gĭt kăl lơ̆m pơtrŭt kơtang jang hơdoi mŭk drăm ƀar păh Việt Nam hăm Hàn Quốc, mă kăl ‘nŏh tơgŭm tơgoăt jang hơdoi ƀar păh rim tơring Việt Nam hăm rim hơnĭh mơdro sa, tơring kơ Hàn Quốc; iung jang hơdoi pơgơ̆r jơnei rim ‘măng pơma dơnŭh ƀar păh Thủ tướng Tĕh đak hăm tơpôl hơnĭh mơdro sa Hàn Quốc vă xek tơlang rim tơdrong tơnap tap, tơhlăk tơhlĭn, tơgop hrôih keh đang tơdrong tơlĕch jang iŏk đei mơdro sa dĭh băl đei trŭh 100 ti dolar lơ̆m sơnăm 2023 păng 150 ti lơ̆m sơnăm 2030. Thủ tướng Tĕh đak Phạm Minh Chính sơkơ̆t hơdăh Việt Nam ling lang lăng kơjăp tơdrong tơgoăt tơgoăl dĭh băl hăm Hàn Quốc păng ‘mĕh vă atŏk kơtang jang ‘lơ̆ng hlŏh dơ̆ng lơ̆m tơgoăt tơgoăl ƀar tĕh đak.

VOV/Amazưt tơblơ̆ nơ̆r