VOV4.Bahnar - Kơ sơ̆ ‘năr 27/5, Thủ tướng Phạm Minh Chính sơng ƀok Patrick Gelsinger, Kơ dră chĕp kơ̆l Grŭp jang Intel tơ̆ Anih jang kơ Khul kơ dră tĕh đak. Thủ tướng Phạm Minh Chính tơ chĕng ‘lơ̆ng Grŭp jang Intel jang xa roi đunh roi tŏk pran păng hlôi tơ rĕk, tơ mât jên jang tơ̆ Việt Nam lơ̆m hlŏh 15 sơ năm âu ki, hơ nhăk công ty pơ lăp păng hơ len năng tơ drong ‘lơ̆ng đơ̆ng Intel tơ̆ Tơ ring jang kơ măy kơ mŏk ‘nao plt Hồ Chí Minh mât bơ̆ jang đơ̆ng sơ năm 2010.

‘Nâu jĭ tơ drong tơ mât jên jang găh kơ măy kơ mŏk ‘nao tih hlŏh đơ̆ng Mi tơ̆ Việt Nam, vang tơ gop ăn tơ drong jang mŭk drăm tơ̆ plt pơ ma adrô̆ păng Việt Nam pơ ma atŭm, chă tơ drong jang ăn rơ bâu ‘nu bơ ngai. Thủ tướng athei Intel hơ nơ̆ng hơ tŏk jên tơ mât jang tơ̆ Việt Nam tơ̆ hơ năp kơnh, jang xa roi đei yoa ƀiơ̆, ‘lơ̆ng ƀiơ̆, lăp hăm trong jang đơ̆ng Khul kơ dră tĕh đak lơ̆m tơ drong sơng iŏk jên tơ mât jang ăn anih jang kơ măy kơ mŏk ‘nao, kơ măy kơ mŏk rơ gŏh, tơ gop ăn tơ drong jang tơ plih kiơ̆ kơ măy kơ mŏk sô̆.

Dơ̆ng: Tơ blơ̆