VOV4.Bahnar - Kơ sơ̆ 13/9, tơ̆ Anih jang kơ Khul kơ dră tĕh đak, Thủ tướng Phạm Minh Chính hlôi pơ ma đam hăm Kơ dră Kuô̆k hô̆i tĕh đak Campuchia Samdech Heng Samrin oei hơ pong ngôi tơ̆ Việt Nam. Tơ̆ jơ sơng, 2 ‘nu kơ dră tơ ƀôh đon lăp găh tơ drong jang tŏk sơ đơ̆ng ‘lơ̆ng lơ̆m tơ drong pơ vei Việt Nam - Campuchia.

TTXVN-Thủ tướng Phạm Minh Chính sơng Kơ dră Kuô̆k hô̆i tĕh đak Campuchia

Găh trong hơ tŏk tơ drong pơ vei jang hơ doi đơ̆ng 2 tĕh đak tơ̆ hơ năp kơnh, 2 ‘nu kơ dră drơ̆ng nơ̆r vei kơ jăp tơ drong tơ ƀâp, pơ ma nuh ăn kuan tih lơ̆m rim tơ drong vă hơ nơ̆ng hơ met kơ jăp tơ drong pơ vei chinh trĭ, lui băl; dôm anih chih pơ jing luơ̆t păng jang kiơ̆ luơ̆t đơ̆ng 2 tĕh đak hơ nơ̆ng pơm hơ tŏk tơ drong pơ vei.

Pơma găh tơ drong jang hơ doi lơ pang, 2 ‘nu kơ dră chĕp kơ̆l drơ̆ng nơ̆r 2 păh vă hơ nơ̆ng jang hơ doi, tơ gŭm băl tơ̆ dôm hop akŏm rim khul grŭp lơ pang lơ̆m apŭng plenh tĕh păng tơ̆ tơ ring. Thủ tướng Phạm Minh Chính pơ ma hơ dăh Việt Nam tơ gŭm păng lui Campuchia gô iŏk jang ‘lơ̆ng hơ năp jang pơm Kơ dră ASEAN păng AIPA sơ năm 2022.

Dơ̆ng: Tơ blơ̆