VOV4.Bahnar - Lơ̆m Hop akŏm Kơdră kơpal gĭt kăl ASEAN-Mi tơ̆ Hơnĭh tơm Washington DC, tĕh đak Mi, gơmăng năr 12/5, Thủ tướng tĕh đak Phạm Minh Chính hlôi đei tơ ƀơ̆p Ƀok Kơdră tơm Mi Joe Biden tơ̆ Hơnĭh bơ̆ jang Khŭl kơdră tĕh đak Mi.

Thủ tướng Phạm Minh Chính hăm Ƀok Kơdră tơm Mi Joe Biden

Tơ̆ ‘măng tơ ƀơ̆p, Thủ tướng Phạm Minh Chính hăm Ƀok Kơdră tơm Joe Biden hlôi pơma dơnŭh găh tơgoăt tơgoăl dĭh băl Việt Nam - Mi păng rim tơdrong lơ̆m tơring, lơ̆m apŭng plĕnh tĕh. Thủ tướng Phạm Minh Chính hơlen tơdrong tơgoăt tơgoăl Việt Nam - Mi jing tơdrong tơgoăt tơgoăl gĭt kăl. Ƀar tĕh đak hlôi yak hlŏh chăl sơnăm sơ̆ ki ƀĕnh ƀang tơdrong ơ̆h sơ ‘ngon đơ̆ng tơblăh vang, atŭm dĭh băl jang hơdoi, pơtrŭt tơgoăt tơgoăl Jang hơdoi tôm tong atŏk tơ iung roi năr roi tơpă, iŏk đei jơnei kơ jăp lơ̆m rim tơdrong. Việt Nam ‘mĕh vă Mi hơnơ̆ng tơgŭm djru păng jang hơdoi hăm Việt Nam lơ̆m dôm tơdrong mă Mi jang gơ̆h hơgei păng Việt Nam tŏk bŏk đei păng ‘mĕh vă nhen tang găn jĭ hơbŭh, tơplĭh jang kiơ̆ kmăi kmŏk kơsô̆, tĕch mơdro lơ tơmam drăm, tang găn tơplĭh tŏ ‘mi kial, pơtho pơjing khŭl bơ̆ jang.

Tơblơ̆ nơ̆r: Amazưt