Tơ̆ jơ tơ ƀơ̆p, 2 Thủ tướng chơt hơ iă tơ̆ hơ năp dôm tơdrong hơtŏk tơiung ‘lơ̆ng hơiă đơ̆ng jang hơdai 2 pang lơ̆m dôm sơnăm tơjê̆ âu, mă loi ‘noh jĭ lơ̆m tơdrong jang chĭnh trĭ - jang tơbôl, vei lăng sơđơ̆ng teh đak, mơdro sa păng tơmơ̆t jên jang; pơma hơdăh hơnơ̆ng lăng kăl păng ‘măn tơdrong tơgŭm ‘lơ̆ng hoh hăm tơdrong vei lăng păng hơtŏk tơiung tơdrong pơvei tơbôl pran kơtang, 1 jơhngơ̆m đon gĭt kăl păng jang hơdai tôm tơdrong Việt Nam – Lào roi ‘năr roi ‘lơ̆ng, đei yua, hơnhăk ăn iŏk yua ‘lơ̆ng ăn kon pơlei 2 teh đak.

Pơma dơnuh 1,2 tơdrong apŭng plĕnh teh păng tơring vang bơngơ̆t truh, 2 păh drơ̆ng nơ̆r hơnơ̆ng jang hơdai kơjăp, tơgŭm, hơnơ̆ng pơma dơnuh, pơma tơgŭm dih băl tơ̆ dôm hop akŏm lơ pang lơ̆m tơring păng apŭng plĕnh teh, mă loi ‘noh jĭ ASEAN, Liên hợp quốc păng dôm trong jang hơdai tơring iĕ, tơgop pơvei 1 jơhngơ̆m đon, drơ̆ng nơ̆r păng hơnăp jang tơm đơ̆ng ASEAN tơ̆ hơnăp dôm long nol lơ̆m tơdrong ‘nao.