Tơ̆ ‘măng tơƀơ̆p Thủ tướng Australia, ƀar păh drơ̆ng mĭnh nơ̆r atŏk kơtang ăn khul kơdră kơpal năm ngôi tơƀơ̆p dih băl, tơlĕch jang kiơ̆ jơnei Tơdrong iung jang Jang hơdoi gĭt kăl tôm tong, lăng truh tĕch răt dih băl iŏk đei 20 ti USD, pơih să jang hơdoi vei lăng sơđơ̆ng teh đak, tơplih kơsô̆, khoa hŏk kmăi kmŏk păng pơtho pơjing khul bơ̆ jang. Thủ tướng  Anthony Albanese sơkơ̆t hơdăh Việt Nam ‘noh teh đak jang hơdoi tơm dơnơm kơ Australia tơ̆ Đông Nam Á. Lơ̆m ‘măng tơƀơ̆p pơma dơnuh hăm Kơ iĕng Thủ tướng Nga, ƀar păh drơ̆ng mĭnh nơ̆r pơtrŭt kơtang mơdro sa dih băl hơtŏ hơnơ̆ng, jang hơdoi trong hnam, trong gre treng păng hrôih iung jang ming man tơdrong vă jang ŭnh hơyuh hạt nhân Ninh Thuận 1; adoi hơmet pơ ‘lơ̆ng tơdrong tơhlăk tơhlĭm mơdro sa, tơgŭm djru kon pơlei Việt Nam oei tơ Nga sơđơ̆ng păng atŏk tơ iung.