Thủ tướng Phạm Minh Chính pơma hơdăh Việt Nam khŏm hơmet pơ ‘lơ̆ng dôm tơdrong tơgar băl apŭng plĕnh teh hăm dôm teh đak jang hơdai teh đak đe tơ̆ dôm anih jang pơm kơdranh, sek tơlang apŭng plĕnh teh lăp hăm khôi luơ̆t apŭng plĕnh teh păng vei sơđơ̆ng lăp ‘lơ̆ng đei yua đơ̆ng dôm pang. Thủ tướng athei PCA ‘moi kiơ̆ Anih jang tang măt tơ̆ Hà Nôi gô hơdrin tơgŭm, pơtho tơƀôh ăn Việt Nam găh tơdrong hlôh vao pơma sa hăm dôm tơdrong găh hơgăt teh, mŭk drăm, mơdro sa..., hơdai hăm athei PCA pơm tơdrong hiôk sơng iŏk bơngai Việt Nam mơ̆t bơ̆ jang tơ̆ PCA.

Tổng Thư ký Marcin Czepelak bơnê kơ Thủ tướng păng Khŭl kơdră teh đak Việt Nam bơngơ̆t truh, ‘măn jên, tơmam tơgŭm PCA pơih Anih bơ̆jang PCA tơ̆ Hà Nội. Tổng thư ký pơma hơdăh gô jang hơdai kơjăp hăm dôm Anih tơm, anih jang ƀơm truh, tơlĕch jang lơ tơdrong jang pơtho pơhrăm, hơtŏk ‘lơ̆ng kĕ jang, rơih iŏk bơngai joăt jang Việt Nam ăn bơ̆ jang lơ̆m Anih jang PCA tơ̆ Việt Nam.