Pơma hơdăh bơngai Việt Nam oei tơ̆ teh đak đe ‘noh bơngai ưh kơ đei tơklăh hơdrô̆, jing bơngai jang gĭt kăl kơ tơpôl hơdrĕch hơdrŭng Việt Nam, Thủ tướng tơƀôh đon chhôk hơiă ƀôh tơpôl bơngai Việt tơ̆ Algeria ling lang mĭnh jơhngơ̆m đon, đei tơdrong hơrih sa sơđơ̆ng păng mơ̆t jang hơdai ‘lơ̆ng lơ̆m tơpôl tơ̆ teh đak oei sa.

Mă loi ‘noh jĭ lơ̆m tơpôl găh lơ ‘noh ŭnh hnam đei tơdrong joh ayŏ Việt Nam - Algerie. ‘Nâu jĭ tơdrong pơgơ̆p hơdai kăp gĭt, tơley tơgoăt kơjăp đơ̆ng 2 păh. Thủ tướng lăng tơdrong pơvei đơ̆ng 2 teh đak tôch kơ ‘lơ̆ng hơiă pơm tơdrong hiôk tih hloh teh đak păng tơpôl bơngai Việt tơ̆ Algeria.