Sŏh plang nhang tơ̆ hơnăp nhap Thủ tướng Võ Văn Kiệt, Thủ tướng Phạm Minh Chính păng khul tang măt tơƀôh đon ƀlŏk hơdơ̆r truh nhap Thủ tướng Võ Văn Kiệt, bơngai bơ̆ jang tôch tơnăp, pơ̆n tơchĕng, pơ̆n jang kiơ̆, chu pŭ iŏk hơnăp jang, hơnơ̆ng pơlung jơhngâm păng chu iŏk jang dôm tơdrong ‘nao;

Khŏm ‘moi kiơ̆ jơhngâm đon Thủ tướng Võ Văn Kiệt hơnơ̆ng hơtŏk jơhngâm đon kăch mang, đĭ jơhngâm pơvih ăn tĕh đak, pơvih ăn kon pơ lei, đĭ đăng yoa tơdrong tơm ‘nŏh kon pơlei pơdrŏng, tĕh đak pran kơtang, kon pơlei pơm tơm, hơtŏ ‘lơ̆ng, gơ̆h hơgei. Đơ̆ng rŏng kơ lêh sŏh nhang, Thủ tướng Phạm Minh Chính păng Khul tang măt truh pơm lêh tơlĕch kơtem gĭt kăl “Tơbăt 100 sơnăm năr rơnĕh Thủ tướng Võ Văn Kiệt đei pơgơ̆r tơ̆ cham Anih ƀlŏk hơdơ̆r kơ Thủ tướng Võ Văn Kiệt.