Sơnăm 2022 tơdrong jang tơbôl ‘nŏh jĭ 1 tơdrong jơnei ‘lơ̆ng. Tơdrong jang tơbôl hlôi đei tưk tơiung pran, hăm rim tĕh đak tih păng rim anih jang hơdai tơm, kiơ̆ đơ̆ng văjê̆ 70 tơdrong jang tơbôl tih đơ̆ng Kơdră chĕp kơ̆l Đảng, Tĕh đak, lơ̆m nŏh đei 14 ‘măng năm hơpong đơ̆ng bơ̆n truh tơ̆ 17 tĕh đak; vang truh akŏm lơ̆m 5 tơdrong Hop akŏm apŭng plenh tĕh lơ pang; kơhrĕng ‘măng tơƀâp 2 pang hăm kơdră chĕp kơ̆l dôm tĕh đak lơ̆m apŭng plenh tĕh; sơng 19 khul kơdră chĕp kơ̆l dôm tĕh đak truh hơpong tơ̆ Việt Nam.

Tang măt ăn Kơdră chĕp kơ̆l Đảng, Tĕh đak, Thủ tướng Phạm Minh Chính chih răk, pôk pơ ư păng tơchĕng ‘lơ̆ng dôm tơdrong jơnei tih, đon adrin tôch ai păng dôm tơdrong jơnei gĭt kăl đei tơroi kơpal đơ̆ng rim anih jang tơbôl pơma atŭm păng Anih tơm jang tơbôl pơma hơdrô̆, tơgop gĭt kăl ăn tơdrong jơnei atŭm kơ tĕh đak lơ̆m sơnăm 2022; tơƀôh hơdăh tơdrong đei yoa mưh tơlĕch trong jang tơbôl “’Mêm băt, tơpăt ‘lơ̆ng, lui băl, hơtŏ băl, năng kăl, đei yoa, vang jang tŏk hơdai”.