VOV4.Bahnar - Pơ gê 20/1, Thủ tướng Phạm Minh Chính truh akŏm păng iung pơ ma nơ̆r pơ tho lơ̆m hop akŏm tơ lĕch tơ drong jang pơ gang sơ năm 2022 yoa Anih tơm vei lăng jang pơ gang pơ gơ̆r kiơ̆ trong kơ tă hơ dai hăm trư̆k tuyê̆n hăm hlŏh 700 anih pơih pơ dăh tơ̆ 63 dêh char, plt lơ̆m tĕh đak.

Thủ tướng Phạm Minh Chính pơ ma lơ̆m hop akŏm

Pơ ma lơ̆m hop akŏm, Thủ tướng Phạm Minh Chính akhan, anih jang pơ gang jăh hơ met pơ ‘lơ̆ng hloi dôm tơ drong ưh kơ lăp, tam mă pran ‘lơ̆ng, oei tơ hlăk tăk lơ̆m tơ drong jang tang găn jĭ nhen ƀơk hla ar asong yoa pơ gang, vắc-xin, pơ jing hnam pơ gang hơ met jĭ hơ buh;

Mă loi jĭ trong răt yoa tơ mam, sek tơ lang tơ păt dôm tơ drong glăi, adrin tang găn tơ drong yoch, xa pơ jĭp, iŏk pơ gâm ăn khul grŭp; ưh gơ̆h lê̆ “1 ‘nu bơ ngai pơm kơ nê̆ truh tơ̆ đĭ đăng”, pơ jing khul kăn ƀô̆, ƀok thây pơ gang, bơ ngai jang nuih mơng, đei đon jang chinh trĭ kơ jăp, jang gơ̆h hơ gei, đei yoa. Hơ tŏk tơ drong pơ tho ăn kăn ƀô̆ jang pơ gang găh đon tơ năp păng jơ hngâm đon ‘lơ̆ng đơ̆ng bơ ngai jang pơ gang.

Dơ̆ng: Tơ blơ̆