VOV4.Bahnar - Pơ gê 21/4, Anih iŏk thuê̆ Thuê̆ Việt Nam pơm lêh roi tơ băt Kơ măy chih hoă đơn điên tư lơ̆m tĕh đak. Truh akŏm păng iung pơ ma lơ̆m jơ pơm lêh, Thủ tướng Phạm Minh Chính athei, Anih thuê̆ hơ tŏk hlŏh dơ̆ng tơ drong iŏk yoa kơ măy kơ mŏk ‘nao lơ̆m tơ drong vei lăng, pơm ‘lơ̆ng ăn tơ drong chih tơ roi thuê̆, nôp thuê̆ kiơ̆ kơ măy điên tư hiôk, ƀônh hlŏh; adrin lơ̆m sơ năm 2022, đĭ đăng hla ar ƀơm truh tơ̆ thuê̆ đei pơm hăm kơ măy điên tư chô̆ tơ mât lơ̆m Kơ măy pơ vih pơ văn kơ tĕh đak.

Thủ tướng tĕh đak truh pơm Lêh roi tơ băt kơ măy chih hoă đơn điên tư lơ̆m tĕh đak

Thủ tướng Phạm Minh Chính akhan, tơ plih hăm kơ măy sô̆ ‘nŏh jĭ trong jang ưh đei gơ̆h vĕh, oei bơ̆ jang kiơ̆ tôch pran tơ̆ jơ̆p tơ ring lơ̆m tĕh đak păng lơ̆m apŭng plenh tĕh. Đảng, tĕh đak bơ̆n năng kăl păng năng ‘nâu jĭ 1 lơ̆m dôm tơ drong jang tơm hlŏh. Thủ tướng athei, tơ̆ hơ năp kơnh, anih thuê̆ hơ nơ̆ng jang kiơ̆ trong đei tơ lĕch khŏm pơ jing trong thuê̆ kơ jăp ‘lơ̆ng, drơ̆ng 1 nơ̆r, rơ đăh rơ đong, hơ tŏ băl, đei yoa păng kơ jăp đunh.

Dơ̆ng: Tơ blơ̆