VOV4.Bahnar - Gơ măng 30/9 Anih jang đảng dêh char, Jơ nŭm pơ gơ̆r kon pơ lei, Dơ nŏ anih vei lăng kon pơ lei, Anih MTTQ Việt Nam dêh char Bình Thuận pơm lêh tih tơ băt 30 sơ năm pơ jing dơ̆ng dêh char (1992 - 2022) vă lăng dơ̆ng trong jang tŏk, roi tơ ƀôh dôm tơ drong ‘lơ̆ng, tơ drong jơ nei hơ iă hlŏh lơ̆m 30 sơ năm pơ jing dơ̆ng dêh char.

Jơ pơm lêh tơ băt

Truh akŏm păng iung pơ ma lơ̆m jơ pơm lêh, tang măt ăn kơ dră chĕp kơ̆l Đảng, tĕh đak, Thủ tướng Phạm Minh Chính chơt hơ iă, pôk pơ ư, tơ chĕng ‘lơ̆ng dôm tơ drong adrin, tơ drong jơ nei mă Đảng ƀô̆, khul kơ dră pơ gơ̆r, khul linh păng kon pơ lei dêh char Bình Thuận iŏk đei lơ̆m 30 sơ năm pơ jing, tơ plih ‘nao păng jang tŏk, tơ gop ‘lơ̆ng ăn tơ drong jơ nei atŭm kơ tĕh đak.

Tơ̆ hơ năp kơnh, Thủ tướng athei, Đảng ƀô̆, khul kơ dră pơ gơ̆r, khul linh păng kon pơ lei Bình Thuận athei ‘moi kiơ̆ dôm tơ drong jơ nei hlôi iŏk đei, đĭ adrin bơih athei adrin hlŏh dơ̆ng, đĭ mât 1 ƀơ̆r đon bơih athei tơ guăt kơ jăp hlŏh dơ̆ng, đĭ pơ hnŏng bơih athei pơ hnŏng hlŏh dơ̆ng. Iŏk jơ hngâm pran kơ dih pơm tơm, iŏk yoa trong jang gĭt kăl, đunh đai, tơ drong tơ chơ̆t trŏ ƀlep; găh tơ drong đơ̆ng ‘ngoăih ‘nŏh kăl tơ gĕch iŏk tơ drong ‘lơ̆ng, jang tŏk pran, tơ gop kŭm hăm tĕh đak pơ jing tơ drong jang mŭk drăm sơ đơ̆ng ‘lơ̆ng, băt kơ chăng mât jang hơ doi hăm apŭng plenh tĕh tôm tơ drong, đei yoa lơ̆m chăl ‘nao.

Dơ̆ng: Tơ blơ̆