Sơng iŏk nơ̆r krao hơ vơn đơ̆ng Thủ tướng tĕh đak Campuchia Samdech Techo Hun Sen, Thủ tướng Phạm Minh Chính vă năm hơ pong tơ̆ Campuchia đơ̆ng ‘năr 8-13/11. ‘Măng năm hơ pong đei ƀât tơ drong pơ vei gĭt kăl đơ̆ng Việt Nam păng Campuchia hơ nơ̆ng đei hơ met kơ jăp, tŏk pran iŏk đơ̆ng đei pơ jing đunh kơ âu 55 sơ năm sơ̆.

‘Nâu kŭm jing ‘măng năm hơ pong tơ̆ Campuchia mă blŭng đơ̆ng Thủ tướng Phạm Minh Chính hăm kơ chư̆k pơm Thủ tướng. Lơ̆m ‘măng năm hơ pong âu, tơ chĕng adrol Thủ tướng Phạm Minh Chính vă pơ ma đam hăm Thủ tướng Campuchia Hunsen, kŭm hăm Thủ tướng Hunsen vang iung pơ ma nơ̆r pơ tho lơ̆m Hop akŏm tơ lĕch trong tơ mât jên jang, tĕch mơ dro Việt Nam-Canpuchia; tơ ƀâp ƀok pơ tao Norodom Sihamoni, Kơ dră Thượng viện Say Chhum, Kơ dră Kuô̆k hô̆i Heng Samrin păng 1,2 ‘nu kơ dră chĕp kơ̆l nai kơ tĕh đak Campuchia.