VOV4.Bahnar - Sơng iŏk nơ̆r krao đơ̆ng Kơ dră tơm Mi Joe Biden, đơ̆ng ‘năr 11-17/5, Thủ tướng Việt Nam Phạm Minh Chính vă chĕp kơ̆l Khul tang măt ăn Việt Nam vang truh hop akŏm tih, gĭt kăl ASEAN-Mi, năm hơ pong păng bơ̆ jang tơ̆ Mi păng Liên Hợp Quốc.

‘Nâu jĭ ‘măng năm hơ pong tơ̆ tĕh đak đe mă blŭng đơ̆ng Thủ tướng Phạm Minh Chính ƀât mă Việt Nam hlôi tang găn đei tơ drong jĭ COVID-19 lơ̆m tĕh đak, sơ đơ̆ng jơ hngâm pơih ‘măng tĕh đak dơ̆ng, tơ lĕch lơ tơ drong jang jang jăh jang tơ iung ming păng jang tŏk pran kơ jăp mŭk drăm tơ pôl, adrin mât jang hơ doi hăm apŭng plenh tĕh lơ̆m rim tơ drong, đei yoa ‘lơ̆ng.

‘Măng năm hơ pong đơ̆ng Thủ tướng Phạm Minh Chính truh tơ̆ Mi mă âu đei hơ mĕng jing tơ drong ‘lơ̆ng vă tưk tơ iung hlŏh dơ̆ng dôm tơ drong ‘lơ̆ng hơ iă iŏk đei lơ̆m tơ drong pơ vei mŭk drăm đơ̆ng 2 tĕh đak.

Dơ̆ng: Tơ blơ̆