VOV4.Bahnar - Lơ̆m jơ hôp roi tơ băt rim khei kơ Anih tơm jang tơ bôl pơ gơ̆r kơ sơ̆ 21/4, Bơ ngai chă pơ ma tơ lĕch nơ̆r ăn Anih tơm jang tơ bôl Lê Thị Thu Hằng ăn tơ băt, Thủ tướng Phạm Minh Chính vă chĕp kơ̆l khul tang măt ăn Việt Nam vang truh hop akŏm tih gĭt kăl Mi - ASEAN tơ̆ Washington lơ̆m khei 5 truh. Ƀlep ƀât ‘măng mă âu, Thủ tướng Phạm Minh Chính vă năm hơ pong, bơ̆ jang tơ̆ Mi păng Liên Hợp Quốc.

 Thủ tướng Phạm Minh Chính

Đơ̆ng rŏng hlŏh 27 sơ năm pơ jing tơ drong pơ vei, jang tơ bôl, tơ drong pơ vei Việt Nam păng Mi tŏk pran ‘lơ̆ng, kiơ̆ trong 2 păh đei yoa ngăl, năng kăl tơ drong pơm tơm, kơ jăp ‘lơ̆ng kơ tĕh đak păng trong jang chinh trĭ đơ̆ng băl. Kiơ̆ đơ̆ng noh, Việt Nam hơ pơi ‘mĕh păng kơ chăng jang hơ doi hăm khul kơ dră tĕh đak Mi yoa ƀok Kơ dră tơm Joe Biden chĕp kơ̆l vă pơm hơ tŏk tơ drong pơ vei 2 tĕh đak hơ nơ̆ng tŏk pran ‘lơ̆ng, đei yoa păng kơ jăp đunh, yoa tơ drong rơ ngei, sơ đơ̆ng, jang hơ doi păng jang tŏk tơ̆ tơ ring păng lơ̆m apŭng plenh tĕh.

Dơ̆ng: Tơ blơ̆