Drơ̆ng nơ̆r krao hơ vơn đơ̆ng Thủ tướng Campuchia Samdech Techo Hun Sen, Kơdră ASEAN 2022, Thủ tướng Phạm Minh Chính vă năm ngôi tơ̆ Campuchia đơ̆ng ‘năr 8-9/11 păng vang Hop akŏm tih ASEAN păng dôm hop akŏm ƀơm truh đơ̆ng ‘năr 10-13/11. ‘Nâu jĭ ‘măng năm ngôi tơ̆ Campuchia mă blŭng đơ̆ng Thủ tướng Phạm Minh Chính kiơ̆ lơ̆m kơ chư̆k jang Thủ tướng teh đak păng jing ‘măng năm ngôi mă blŭng đơ̆ng kơ dră chĕp kơ̆l dơ nơm Việt Nam truh tơ̆ Campuchia lơ̆m sơ năm jang tơ bôl Việt Nam-Campuchia 2022.

2 păh jang hơ dai pơ gơ̆r lơ tơdrong jang ‘lơ̆ng hơ iă, tơbăt 55 sơ năm pơ jing tơdrong pơvei jang tơbôl. Lơ̆m jơ năr năm ngôi tơ chĕng hơ drol, Thủ tướng Phạm Minh Chính gô pơma đam hăm Thủ tướng Campuchia Hun Sen păng kŭm hăm Thủ tướng Hun Sen vang iung pơ ma pơ gơ̆r tơ̆ Hop akŏm pơ trŭt tơmơ̆t jên jang mơdro sa Việt Nam-Campuchia, Pơma dơ nuh hăm ƀok pơtao Norodom Sihamoni, Kơdră Thượng viện Say Chhum, Kơdră Kuôk hô̆i Heng Samrin păng tơ ƀơ̆p 1,2 ‘nu kơ dră chĕp kơ̆l gĭt kăl kơ Campuchia.