Tơ̆ Hop akŏm, Thủ tướng Phạm Minh Chính tơroi 3 trong jang tih vă pơtrŭt Jang hơdai gĭt kăl tôm tong ASEAN - Hàn Quốc tơ̆ hơnăp kơnh, đei hloi tơgŭm hơdrol tŭn pran jang hơdai mŭk drăm, tĕch mơdro, tơmơ̆t jên jang kiơ̆ trong rơgoh, kơsô̆, đei yua păng kơjăp; pơgơ̆r pơma đam hơtŏk AKFTA, pơih să jang hơdai jing dôm tơdrong jang ‘nao nhen mŭk drăm rơgoh, mŭk drăm kơsô̆, kơmăy gơh hơgei, tĕch mơdro.

Thủ tướng Phạm Minh Chính pơma hơdăh, Việt Nam tơgŭm dôm tơdrong hơdrin đơ̆ng khŭl kơdră teh đak Hàn Quốc vă pơgơ̆r dơ̆ng pơma dơnuh păng jang hơdai 2 tơring Triều, vang jang hơdrin lơ̆m tơdrong jang âu vă pơjing hơnih rơngei, sơđơ̆ng păng hơnŭk hơnoa lơ̆m Achon Triều Tiên, păng tơgŭm ưh kơ đei hạt nhân tơ̆ Achon Triều Tiên.