Pơma tơ̆ tơdrong jang, Kơdră tơm vei lăng găh Kơmăy kơmŏk Mơdro sa Nguyễn Hồng Diên pơma hơdăh, Logistics jĭ tơdrong jang pơvih pơvăn đei pơtih nhen dôm trong jang tơm kơ mŭk drăm, đei hơnăp jang gĭt kăl lơ̆m tơgoăt hơdai, tơgŭm anih mơdro sa, anih pơm tơlĕch tơ jur jên jang, tơ jur kơjă tơmam, hơtŏk ‘lơ̆ng tơdrong kĕ pơjei, pơtrŭt hơtŏk tơiung mŭk drăm - tơpôl.

Tơ̆ hop akŏm, dôm bơngai pơma tơblang hlôi tơroi dôm nơ̆r pơma dơnuh ƀơm truh tơdrong jang logistics nhen: Tơmam ‘lơ̆ng, đei yua pơjing păng hơtŏk tơiung hơnih tĕch mơdro hiôk hian tơklep hăm tơnŏk đak dơsĭ tơ̆ Bà Rịa - Vũng Tàu; Trong jang yak lĕch tơ̆ đak dơsĭ tih: Tơmam drăm đak dơsĭ Việt Nam tơgoăt hơdai hăm dôm hơnih tĕch mơdro hiôk hian; Iŏk yua kơmăy kơmŏk păng trong jang jên hu lơ̆m bơ̆jang hơnih tĕch mơdro hiôk hian păng pơtrŭt hơtŏk tơiung logistics; Trong jang đơ̆ng logistics tĕch mơdro lơ̆m điên tư klĕch tơring sơlam păng dôm trong năm ăn Việt Nam.