Pơma tơ̆ hop akŏm, Thủ tướng Phạm Minh Chính pơma hơdăh tơdrong jang tơdrong pơm tơm kơ kon bơngai ‘noh jĭ tơdrong jang tơpă, ưh kơ sĭ hơdai păng iŏk đei lơ̆m tơdrong jang akŏm đơ̆ng tơdrong pơtho pơhrăm Việt Nam. Lơ̆m noh iŏk hŏk tro, sinh viên pơm tơm, pơm tơ ‘ngla; thây kô pơtho ‘noh tưk tơiung; hnam trưng ‘noh pơm hơnih dŏng; ŭnh hnam ‘noh hơnih gơnang; tơpôl ‘noh lăng  kiơ̆; Jang kiơ̆ tơdrong jang hŏk pơhrăm prăt chăl hơrih.

Thủ tướng Phạm Minh Chính lui ngeh, đĭ đăng kon pơlei, đĭ đăng lĭnh bơ̆n, tơdrong jang vei lăng tơdrong pơm tơm kơ kon bơngai păng pơtho pơhrăm tơdrong pơm tơm kơ kon bơngai roi ‘năr roi iŏk đei jơ nei ‘lơ̆ng hơiă, tơgop gĭt kăl jang kiơ̆ ‘lơ̆ng hơpơi ‘meh pơjing teh đak Việt Nam xã hội chủ nghĩa kon pơlei pơdrŏng, teh đak pran, kon pơlei pơm tơm hơtŏ hơnơ̆ng hơgei, yak kơjăp lơ̆m chăl ‘nao - chăl pơdrŏng pran kơ hơdrĕch hơdrŭng.